粵語

粵音和中古音一樣具備平、上、去、入四聲，十分適合我們用來誦讀古典詩文，對保存古典詩歌文化發揮了很大的作用。

本書分為<粵音平仄入門>和<粵語正音示例>兩部分。<粵音平仄入門>幫助讀者分辨平仄和運用反切；在遇到不認識的字時，知道怎樣尋找正確粵語讀音，從而鞏固中國語文基礎。<粵語正音示例>討論粵語標準音的正確發音，讓讀者改正發音時有所遵循。

重現百年前香港的通勝式英語

十九世紀四十年代以後，隨着香港開埠和五口通商，華洋接觸，日趨普遍。為了經營商業，許多華人開始學習英語。
本書作者莫文暢早年出身自香港的中央書院，英文優深。他有見社會對英語學習的需求甚殷，遂在業餘的時間，編成《唐字音英語》一書。全書分門別類，介紹中英雙語辭彙，並輔以廣東話拼音，讓當時一些不諳英語的讀者能夠掌握一些基本的英語知識。
此書同時保留了許多珍貴的史料，反映十九世紀末至二十世紀初的香港生活面貌。
本書體例獨特，且有很高的文獻價值，現重新影印出版，以饗讀者。

此書為《通學3 香港傳說》2021再新版，新增〈婚禮禁忌傳說〉篇章。

有啲傳說或者故事，如果唔留底，隨年月過去就會失傳了！

因此，廣東話資料館最新著作《通學 香港傳說》收錄咗唔少由舊時到近代，喺香港流傳過嘅傳說，包括都市傳說、校園靈異傳說、鬼節或過年禁忌，以及舊城故事、傳奇人物，或者呢啲人物故事你都似曾相識，又或者你太年輕冇聽過，都不妨睇睇呢本書，除咗畀一個機會你懷緬舊時，亦畀你有知道更多有關香港傳奇的一面！

廣東話博大精深，由以前流傳的地道俗語，到現在的網絡用語及影視對白，都廣為香港人所應用。無論是與朋友、家人，抑或同事溝通，港式俗語或者潮語總是不可或缺，但假若你的交流對象是外國人，你又會怎樣演繹這些地道用語？難道「講呢啲」英文真的是Say this thing嗎？不想在外國人面前紅都面晒，便要一書傍身學學英文！

本書搜羅八十個常用地道用語，劃分成七個主題，從情境題到影視對白都應有盡有，每頁更會記載各個俗語的由來，學英文之餘更可學到香港語言歷史！
此外，各個章節都會圖文並茂、中英對照，附設例句教學，讓你可以靈活運用各個港式常用語的英文說法。

此書為《通學4：會說故事的廣東話》新版，新增兩個篇章：〈上世紀流行的經典對白〉、〈《廣東話三字經》註解〉。

「度叔」正確寫法原來係「庹縮」？「叔叔帶你去睇金魚」個金魚佬原來真有其人？點解要「斬腳趾避沙蟲」呢？畀老闆解僱點解會叫「炒魷魚」？降級又點解要叫做「燉冬菇」呢？你又有冇聽過「樓下閂水喉」、「電燈杉掛老鼠箱」、「天台小學」呢啲舊時香港獨特嘅生活片段？

廣東話資料館「通學」系列第4本《會說故事的廣東話》，繼續同讀者發掘更多有關香港嘅有趣故事及用語。

此書為《講學1：一書讀通 廣東話俗語》2021年新修版。

答完「廣東話係唔係你母語？」呢條問題後，再問問自己，你對廣東話認識有幾多有幾深？廣東話俗語你識幾多個？究竟點解要話「有嘢留番拜山先講」？你知道唔同廣東話諺語同歇後語背後嘅含意，定其實係人講你又講？「單眼佬睇老婆」即係乜？「神仙放屁」又點解？你又有冇聽過「大笨象，揸支槍，去打仗，打唔贏，返嚟食碗辣椒醬」或者其他慢慢失傳嘅廣東話童謠？你知道C0T係凍檸茶，但其他茶餐廳術語，髮型屋術語同的士術語你又知幾多？

2021新修版除咗個別章節都有補增內容外，更新增〈香港名人金句〉章節，原來當年蔡楓華講嘅並唔係「一剎那光輝」？李麗珊奪得香港第一金時又點解會講「香港運動員唔係垃圾」呢？新修版新增章節會講講呢啲金句。

廣東話資料館「通學」系列第7本，講吓香港奇譚。

巴士阿叔、機場阿嬸都或者可能聽過，石裡藏人事件、天星小輪加價事件又聽過未？太平山別名叫扯旗山原來同張保仔有關？荃灣原來曾經叫淺灣？被叫做二奶巷嘅安和里同埋被叫做大婆巷嘅和安里原來暗藏大婆同二奶個名？

香港人有好多奇特嘅想法、言論同見解，佢哋鍾意聽異於尋常嘅傳說；又喜歡聽一啲拍案驚奇嘅故事，呢啲古靈精怪、整蠱整怪嘅事鬧大之後，又經過口耳相傳、再加鹽加醋，無咩唔可以成為奇譚。

粵語在香港作為一種有機體，有自己蓬勃的生命力，而且不斷地在變化。語言並不如想像之中那樣古板或死板。

1990 年代，徘徊在柏克萊東亞圖書館的張洪年教授，無意中看到書架上有一本關於粵語的老書，一時好奇心動，順手抽下；站在昏黃的吊燈底下略略翻閱，接著就坐在圖書館地上，看了整個下午。這一回無心插柳，開拓了他後來二三十年的研究新路向。

《香港粵語：二百年滄桑探索》選輯了張洪年教授歷年所寫的一系列語言學文章，具體描述早期粵語的各種語言現象，解釋香港粵語從十九世紀到二十一世紀之間發生的種種變化。香港早期的粵語來自廣州，二十世紀中期以後逐步與廣州話分道揚鑣，漸漸自成一種語言。如今香港人口絕大部分以粵語為母語，社會上的活動都以粵語為主要溝通語言。香港的粵語雜用大量外來語，有的已經成了本地詞彙一部分，在語音和語法層面也發生了許多新變化。

然而，這些變化到底如何發生，幾時發生？變化的牽涉面有多廣，軌跡是否可循？我們能否在其他語言中，找尋到類似的發展？這種種問題，都是對語言發展歷史有興趣的人必須面對、尋求答案的重要切入點。作者希望能從眾多的語料之中，擬構出粵語在這新舊交替之際的發展軌跡，供後來者參考和討論。

「畀、俾、比」三個字有咩分別？「嗰、個、果」究竟要用邊個？「唔使」、「唔駛」定「唔洗」？「辦、辮、辨、辯、瓣」不分？個炒飯究竟係「揚州炒飯」還是「楊洲炒飯」？「liu1 lang1」正確寫法點樣寫？「執書／執輸」、「撕紙／獅子」讀音一樣但意思大不同。

錯別字，係錯字同別字嘅統稱，喺文字發明之後就已經存在，並唔係最近嘅事。所謂錯字，即係寫錯字，通常都係涉及多寫或者少寫咗啲筆劃；而別字又稱為白字，字就冇寫錯到，但係就用錯咗另外一個字。就以中文字而言，指喺文字嘅筆劃、字體或者文法上，形音相似出現訛誤，而構成一啲唔合現時「白話文」書寫規範嘅字都稱為錯別字。但係由於文字嘅發展，好多原本嘅錯字都被扶為正字，而正字反被當成錯字，所以喺現時錯別字嘅判斷，通常就以政府公佈嘅文字為基準。

廣東話資料館「通學」系列第6本《趣看生活——廣東話常見錯別字》，繼續同讀者發掘更多有關香港嘅生活用語。

「我唔賣書，我賣信封」嘅代客寫信服務、差不多執晒笠嘅執字粒、名副其實箍番個裂瓦煲嘅箍煲、畀二世祖撚雀嘅舊式茶樓、興旺一時嘅煙花之地石塘咀、好多嘢玩嘅大笪地、改成賣海味嘅鹹魚欄、三不管嘅九龍城寨、擁有十八層地獄浮雕嘅虎豹別墅……

以上嘅行業、故事、遊樂場、建築等等，你聽過幾多個？隨時代變遷，好多香港嘅故事慢慢消失，趁仍有機會，留下記錄，一齊睇下某個時代喺香港曾經盛行一時嘅文化生活喇！

廣東話資料館「通學」系列第5本《愛講文化的廣東話》，繼續同讀者發掘更多有關香港嘅有趣故事及用語。